Gaztehgam

Epaileak, Bilboko Espazio Publikoaren kontra aurkeztutako helegiteak onartu ditu.

gaztehgam — Fri, 27 Jan 2012 15:28:42 +0000

Gaur goizean (urtarrilak 27), epaitegiak, 70 erakunde baino gehiagok Bilboko Espazio Publikoaren kontra aurkeztutako helegiteak onartu ditu.

20 eguneko epea eman dio udalari helegite hauei erantzuteko.

Pausu garrantzitsua den arren, astiro doa prozesua. Bien bitartean, kaleetan nahi duguna egiten jarraituko dugu. Bilboko udalari esan nahi diogu, bertan behera utzi ditzala arau zapaltzaileak, ez dizkiotelako ezertarako balio.

Kalea gurea da.

GazteBurdela-ren aurkezpen hitzaldia Sopelako Plaza Beltza Kulturgunean.

gaztehgam — Fri, 20 Jan 2012 15:47:22 +0000

Otsailak 9, arratsaldeko 19:00etan izango da GazteBurdela-ren aurkezpen hitzaldia Sopelako Plaza Beltza Kulturgunean.

Manifestuaren aurkezpena eta topaketen nondik norakoak azalduko dira bertan.

“Sexual Herria” liburuaren aurkezpena

gaztehgam — Sun, 15 Jan 2012 16:09:31 +0000

Itziar Ziga euskal idazlea bere azken liburua aurkeztuko du.

Urtarrilak 20, 19:30etan, Bilboko “La Bolsa” udaltegian.

Bilboko Espazio Publikoaren Ordenantzaren inguruan ere hitz egingo dugu.

GazteBurdela, inposatutako arauak hausteko topaketa.

gaztehgam — Thu, 12 Jan 2012 20:11:17 +0000

Euskal Herriko Gazteria Sexu Askapenerako Mugimenduak GazteBurdela topaketa iragarri du datorren martxoaren 24rako, Durangon. Antolatzaileen esanetan, ekimena «hausnarketa sakonetatik eta autokritika zorrotzetik» jaio da, «gay eta lesbiana erakunde erreformistek» historian zehar erabilitako «erakusleiho eta ghettoetatik» kanpo, eta bereziki gazteentzat dago zuzendua.

GazteBurdelak «sexualitate hautuetatik harago» joateko apustua egiten du, «sistemak gure bizimoduan inposatutako bizi eredua» irauliz.

Sexu askapenerako plataformaren esanetan, bizi eredu hori «normatan eraikitako sistema kontrolatzailea da», gure nortasunean txertatutakoa, azken batean, «askatasunez garena izateko aukerak bi patroi zurrunetara mugatuz».

Iraultza modu berriak

Errealitate horri aurre egiteko «borroka eta dinamika moldeak amaigabeak» izan daitezkeela diote Gaztehgam-ekoek, eta horregatik eta horretarako sortu dutela GazteBurdela: «Bi urterik behin bada ere, elkarte, eragile eta mugimenduok norma denak hausteko aukera izan dezagun».

Antolatzaileek Durangora martxoaren 24an gerturatzeko deia egin zuten, «Norma denak hautsi nahi ditugu!» lelopean. GazteBurdela «mugimenduaren arma» bihurtu nahi dute, «sistema honek debekatzen digun guztia euren muturren aurrean eginez» argitu dute.

Kontatu gurekin!

gaztehgam — Wed, 04 Jan 2012 19:54:43 +0000

Abenduak 17 indarkeria sexistaren kontrako manifestazioa Bilbon, Euskal Herriko Mugimendu Feministak deitua.

gaztehgam — Mon, 12 Dec 2011 15:06:59 +0000

Emakumeen aurkako indarkeria, bai Euskal Herrian zein munduko beste leku batuzetan, lehen mailako arazo sozial, politiko eta kulturala da. Arazo hau botere harremanak daudelako gertatzen da eta gizonek emakumeenganako duten zapalketa harremanen emaitza da. Indarkeria honek ondoriolez emakumeen herritartasun jarduera oztopatzea eta gure gorputzen kontrola du.

Guzti honegaitik, Euskal Herriko mugimendu feministak, indarkeria sexistak eta honek aurkezten dizkigun milaka aurpegiak salatzeko, emakume eta gizon guztioi hurrengo abenduak 17an kaleak okupatzeko deialdia egiten du. Indarkeria sexista patriarkatuaren ondorioa da egunero era desberdinetan isladatzen dena, ez da salpuespeneko zeozer, lan-desberdintasuna, laneko jazarpena, publiziztate sexista, emakumeen gutxiespena, justiziaren aurreko zigorgabetasuna, bikote edo familiaren kontrola… dana indarkeria da. Beste gizarte eredu bat eraiki nahi badugu, lehentasuneko eta ezinbesteko aldaketa da hau.

Deia egunerokoa eta bere homofobia.

gaztehgam — Fri, 02 Dec 2011 15:33:05 +0000

Orain denbora gutxi, hauteskundeekin batera, zenbait alderdi eta hautagai politikoren heterofaxismoa salatu genuen. Iñaki Azkuna, EAJko kidea ez balitz bezala, eta bere polizia munizipala indarrez espazio publikoaren ordenantza sexofoboa ezarri ez balu bezala, hainbat jeltzalek -jaungoiko eta lege zaharretako horiek-, harriduraz hartu zuten EAJ salaketa izana: EAJ heterozentrismoan bere politikak oinarrituko ez balitu bezala. Berehala Iñigo Urkulluren prentsa gabineteak gure blog-ean dozenaka mezu oldarkor idazteko erabakia hartu zuen.

Baina orain, alderdi jeltzalearen bozgorailu batetik, Deia egunerokotik, futbol partida baten garaipena homofobiarekin zelan ospatu dezakegun azaltzen digute. Izan ere, gaur, Freddie Mercury-ren heriotzaren hogeigarren urteurrena da eta, Athletik-ek partida irabazi dueneko eguna. Horrela izanik, ondoan dagoen bineta aurkezten digute.

Gure ipurtzuloekin gozatzeko ahalmena dugun gizonek -emakumeek ez dute estigmatizazio hori jasan beharrik, heterozentrismoaren ikuspegitik eurak zulatuak izateko jaioak dira eta, horretarako zuloa berdin du- beti zalantzagarritasunean kokatu gaituzte, “benetako gizonek” -harrak!- egin behar ez duten sexu praktika balitz bezala.

Ala eta guztiz ere, uste genuen XXI. mende honetan, komunikabideek, homofobia ekiditeko auto sentsura minimo bat zeukatela. Deiak erakusten digu ez dela horrela. Gizonak zulatu-ezinak direla, zulatzaileak direla alegia; eta zulatuak izaten badira, euren gizontasuna galtzen dutela eta beraz, emakume bihurtzen direla. Finean, gizon zulatzaileak emakume edo gizon zulatuen gainetik daudela. Baina hori Sabino Aranak -EAJren fundatzaileak- esan zuen aspaldi: “Emakumeak, bihotzez eta mentalitatez, gizonak baino gutxiago dira”.

Horrelako irakurketak, ondorio zehatzak ekartzen dituzte: homofobia, lesbofobia, transfobia, sexofobia… HETEROFAXISMOA! Sexu praktika jakin batzuk anormalak eta ekidin beharreko praktika moduan aurkezten dute jendaurrean homofobiarako haitzaki bihurtuz.

Irakurri izan dugu, Gaztehgam-ek mugimendu apolitikoa izan behar duela nonbait. Gezurra galanta! Naiz eta guk politikaz paso egin, politikak ez du gutaz paso egiten. Eta horrelako jarreren aurrean, ozen esaten dugu, gu ez garela bakarrik ekaineko hiri handietako kabalgatak apaintzen duen kolektiboa; ez eta heterofaxismo eraso larrien aurrean unkitu baina isilik geratzen garen horietakoak. Hori, gay eta lesbiana erakunde erreformistei dagokie. Guk erasoei erantzuteko gaitasuna badugu.

Naizena Izateko: gose musika talde Arrasatearrak egindako GazteBurdela-rako abestia.

gaztehgam — Fri, 02 Dec 2011 13:16:15 +0000

Klikatu diskaren portadan, abestiaren letra irakurtzeko.

GazteBurdelaren blog-a. Informazio guztia izango da bertan.

gaztehgam — Thu, 01 Dec 2011 18:34:04 +0000

gazteburdela.wordpress.com

Indarkeria sexistaren aurrean borondate politikorik ez dagoela salatu du Bilgune Feministak.

gaztehgam — Thu, 24 Nov 2011 15:28:24 +0000

Indarkeria sexistaren aurrean autodefentsa feminista defendatu du Euskal Herriko Bilgune Feministak, “subjektu pasiboak bagina tratatzen gaituzte instituzioetatik, gure burua defendatzeko gaitasunik ez bagenu bezala”. Indarkeria sexistaren aurkako nazioarteko eguna ospatuko da bihar, azaroak 25. Euskal Herriko Gazteria Sexu Askapenerako Mugimenduak mobilizatzeko deia ere luzatzen du heterosexismoaren kontra.

Euskal herriko Bilgune Feministaren irakurketa:

Barne Sailaren baitan kokatutako “Leihatila Bakarra”; 135 ertzain indarkeria sexistak jasan dituzten emakumeak “babesteko kontrazaintza lanak” egiten Araban, Bizkaian eta Gipuzkoan; Aresek martxan jarri duen emakumeon kontrako indarkeria matxista ekiditeko lege aurreproiektu berria; Nafarroako legearen aplikazioan herrialdearen zabalpenak kontuan hartuta dauden babes neurri, zerbitzu eta laguntza juridiko-sozialen zentralizazioa, baserri eremuko emakumeen babesgabetasuna e.a. Nafarroako Legeak edota EAEn sortu berri duten

Legearen aurreproiektuaren baitako neurriak (Ipar Euskal Herrian ez baitago lege edota neurri espezifikorik martxan), azken aldian hartu diren neurri solteen antzera, protekzionismoa eta paternalismoa dituzte oinarrian, emakumeon biktimizazioan eragiten dute eta ahuldu egiten gaituzte; diskurtso biktimizatzaileak ez ditu eraldaketarako gakoak ematen, emakumeak eta bereziki indarkeria egoera zehatzak bizi izan dituzten emakumeak ahultzen dituelako. Planteatzen diren neurriek ez dituzte indarkeriaren dimentsio guztiak kontutan hartzen eta askotan soilik bikote harremanetan gertatzen diren erasoez arduratzen dira; torturak, jazarpenak, kaleko erasoak, irainak e.a alde batera utziz. Jendartean eremu guztietan eta adierazpen askotan gertatzen dela ahazten dute.

Subjektu pasiboak bagina tratatzen gaituzte instituzioetatik, gure burua defendatzeko gaitasunik ez bagenu bezala, zer nahi dugun jakingo ez bagenu bezala. Instituzioek gainera, salbatzaile papera egokitzen diote euren buruei eta jendartea haiek egiten dutenari itxoiten egon beharko luketela uste dute. Baina ez gara subjektu pasiboak.

Diskurtso paternalistarik ez dugu nahi, ahotsa badugu, eta zer nahi dugun ere, jakin badakigu! Gure ustetan emakumeon hitzak, egun daukana baino indar gehiago hartu beharko luke, subjektu politikoetan bilakatzeko prozesuaren lehen pausoa baita. Emakumeon hitza kontutan hartzetik etorriko dira biktima paper hutsean ez gelditzeko hurrengo pausuak.

Azken urtean jantzi zaharrei, partxeak besterik ez dizkiete jarri, eta bestela, Nafar Gobernuak indarkeria sexistarekin amaitzeko martxan jarritako legearen antzera, abiarazitako neurriak herdoilak jango ditu, ez badira lege honen gainean egindako ekarpenak, aplikazioa eta jarraipena kontuan hartzen. Aldiz, Eusko Jaurlaritzako Barne Sailetik bideratutako neurriei dagokionean, azken lege autonomiko berriaren aurreproiektuaren antzera, atzerapausoa dela uste dugu; artean, emakumeok gure burua defendatzeko dugun gaitasunean eta prebentzioak duen garrantziaz jabetzen ez delako.

Hauexek dira hutsuneak:

Emakumeon kontrako indarkeria, egiturazko arazoa izanik, aurreproiektu honetan, eskubide urraketa hau erauzteko abian jarritako neurriak indar polizialen jardunari ematen diote garrantzia eta hain justu, arazo honi benetan esku-hartze erreal eta eraginkorra emateko arlo anitzetako jardunean oinarritu beharko litzateke (hezkuntza, publizitatea, kultura, jaiak, e.a.)
Ez du inongo saiakerarik egiten legea aurrera eramateko errekurtsoak ziurtatze aldera.
Mugimendu feministatik maiatzean salatu genuen “Leihatila bakarra”-ren jarraipena da.
Prebentzioari garrantzia eskasa ematen zaio.
Bikote heterosexualen edo bikote heterosexual ohien aldetik indarkeria egoerak jasan dituzten emakumeen babes errekurtsoei dagokienean, orain arte, 20.000 biztanle baino gehiagoko herriak behartuta daude harrera errekurtsoak edukitzea eta aurreproiektu honen arabera, 60.000 biztanlera igotzen dute muga; honela, asistentzia laguntzak murriztuz.
Etxebizitza sarbideari dagokionean, soilik, bikote heterosexual edo bikote heterosexual ohien aldetik indarkeria egoerak jasan dituzten emakumeei ahalbidetuko zaie aukera hau. Eta gainerakoentzat ez dago laguntzarik?
Emakumeok, geure burua “biktimatzat” izendatu beharko dugu. Zer gertatzen da irregular dauden emakumeek artatu nahi bai, baina, atentzio poliziala eta judiziala ekidin nahi dutenekin? Nola ziurtatuko dira eraso psikologikoak?
Eta bikote heterosexual edo bikote heterosexual ohi ez diren gizonen aldetik indarkeria jasaten duten emakumeei bideratutako laguntzak non daude? Zein legitimitate ematen die legeak emakume hauei?
Azken batean, aurreproiektu honetan aipatzen da instituzio publiko politikoek emakumeen kolektiboak sustatuko dituztela, baina, ez du zehazten nola, ez eta ez ditu biltzen, garatzen eta erantzuten urteetan zehar mugimendu feministak helarazitako beharrizanak.

Jantzi zaharretan, partxe bat gehiago besterik ez da aurreproiektu hau ere.

Jakitun gara, egun jazotzen diren erasoei aurre egiteko urgentziazko neurriakbehar ditugula. Indarkeria sufritzen duen emakume batek beharrezkoak dituela egoera horretatik aterako duten neurri sorta. Baina neurri hauek koordinatuak behar dute izan eta ezin dira bakarrik asistentziazkoak izan; emakumeen protagonismoa, babesa eta eskubideen jabetzea ekarri behar dute. Ezin ditugu neurri partzialak onartu, orain bizkartzainekin gertatzen ari den bezala. Baina gainera, gure lana eraso hauek ez gertatzeko bideratu behar dugu, gurea eta zer esanik ez instituzioena. Emakumeon eskubideen aitortza eta bermea helburu duen prebentzio lan handia dugu egiteko. Bereziki hezkuntza eremutik lantzea lehenesten badugu ere, gainontzeko jendarte eremuetan ez bada lanketarik egiten, berriro ere partxeak jartzen ariko gara.

Beraz, jada nekatu gara emakumeon kontrako indarkeriaren inguruko datuak kaleratzen, egoeraren larritasunaz jabearazten, instituzioen hutsuneak ikusarazten. Oso kontziente gara emakume izatearen arriskuez, eguneroko beldur eta erasoez. Instituzioek borondate político nahiko erakusten ez duten bitartean, emakumeak zapalduta eta indarkeria sexista pairatzeko arriskuarekin jarraitzen dugu. Baina autodefentsan sinesten dugu, gure burua defendatzeko dugun gaitasunean eta ez dugu salbatzaileen zain egoteko asmorik.

Horregatik, gure jarduna: Autodefentsa feministan oinarritzen dugu. Emakumeon arteko elkartasuna eta antolakuntza abiapuntu izanda, autodefentsa feministak bide lagun ditu: indarra, babesa, autoestima eta konfiantza. Hein batean, emakumeok bizi dugun zapalkuntzaren aurrean, hartzen dugun jarrera da Autodefentsa Feminista. Bizitzeko jarrera, gorputzarekiko adierazpen anitzetan azaleratzen dugun jarrera, ahotsarekin eta begiradekin iradokitzen dugun jarrera, norberaren ezagutza eta mugak argi adierazteko baliagarri den jarrera da.

Nahiz eta indar nagusia emakumeen saretzean, antolakuntzan eta jabekuntzan jartzen dugun, ezinbestean jendarte eragile zein norbanakoen konpromisoa eta ardura exijitzen dugu indarkeria sexistari aurre egiteko. Ez dagokio mugimendu feministari bakarrik gertaera hauen aurrean erantzun bat ematea. Aurtengo udaran bereziki eman diren erantzunak, erantzun kolektiboen adibide oso argiak eta positiboak dira. Instituzioen borondate ezaren aurrean, emakumeok autodefentsa!

“Indarkeria sexistaren aurrean, borondate politikoa zero” Partxeo gehiagorik ez!

Info+ bilgunefeminista.org